Wrth gwrs, mae yna nifer fawr iawn o ganeuon a pherfformiadau Cymraeg i’w gweld ar YouTube. Gwelais drydariad diddorol gan Yws Gwynedd lle y bu’n ceisio gweithio allan pa gân Gymraeg sydd wedi cael ei gwylio fwyaf ar YouTube a sut ffigurau sydd yna i ganeuon Cymraeg ar y cyfrwng hwnnw a chreu rhyw siart sydyn o’r ffigyrau.
Roedd yr ateb yn dipyn o sioc I mi, mae’n rhaid dweud! Er enghraifft, mae’r gân “Dacw Nghariad” gan Eve Goodman wedi’w gwylio 1.3 MILIWN (ie, miliwn) o weithiau! Gallwch glywed y gân ar Spotify hefyd. Bron ddwywaith gymaint a Dafydd Iwan druan hefo “Yma O Hyd” a gafodd “ond” ei gwylio tua 710,000 o weithiau! Ac Yws Gwynedd ei hun ond yn gallu dod yn drydydd yn ei siart ei hun!
Dyma rhyw fath a siart luniodd Ywain o’r fideos mwyaf poblogaidd yr oedd o’n gwybod amdanynt, ac wedi iddo drydar y rhestr yma, ymatebodd sawl person hefo enghreifftiau eraill o fideos caneuon Cymraeg eraill hefo nifer gwyliadau uchel iawn.
Gallwch ddilyn y sgwrs gyfa ar Twitter ar https://twitter.com/ywsgwynedd/status/1259424423234412544
Y Blog Recordiau Cymraeg 